Antas ng Kakayahang sa Ispelling ng mga Piling Mag-aaral ng Grade 10 sa Pag-sulat ng Sanaysay sa Ilalim ng Flexible Learning

Ang layunin ng pag-aaral na ito ay nakatuon sa pagkakaroon ng makatotohanang resulta sa kasalukuyang antas ng kakayahan sa ispelling at pagsulat ng sanaysay ng mga piling mag-aaral mula sa baitang 10 na pinili gamit ang Random Sampling Technique. Layon ng pag-aaral na ito na malaman ang dahilan ng labis na kahirapan ng mag aaral sa pag-sulat ng sanaysay ar pagbaybay ng mga salita. Ginamitan ng talatanungan ang pagkuha ng mga sagot ng mga respondente na nagmula sa isa sa kilala at malaking eskwelahan sa Lucena City.Sa pananaliksik na ito, karamihan sa mga tagasagot ay mga kalalakihan na nasa edad 16 at 18 taong gulang na Modular distance learning ang uri ng distance ng pagkatuto at karamihan sa mga respondente ay may 7 hangang 9 na oras gada linggo ang ginugugol sa pagaaral ng Filipino. Ayon sa kinalabasan ng paunang pagtataya lumabas na mababa ang antas sa mga salik kung bakit nahihirapan ang mga mag-aaral sa ispelling at pag-sulat ng sanaysay na may 3.18 WH sa kadahilanan na “Nahihirapan sa ispeling ng mga salita lalo na ang mga hiram na salita”. May mataas na resulta sa antas ng pag-ganap ng mga mag-aaral sa pagba-baybay at pag-sulat ng sanaysay sa ilalim ng distance learning na may 4.14 WH. Sa mga epekto ng pagkatuto ng tamang pag gamit sa pag-baybay at pag-sulat ng sanaysay sa ilalim ng distance learning ay nakakuha ng mababang WH na mayroong 4.16 sa pahayag na “Tama ang pagsasalin ng hiram na mga salita sa pag-susulat ng sanaysay”. Ipinapakita ng datos ang iba’t ibang dahilan, kung bakit nag kakaroon ng problema ang mga mag-aaral pagdating sa pag-baybay at pag-sulat ng sanaysay.