ANTAS NG KAALAMAN SA MASINING NA PAGPAPAHAYAG: BATAYAN SA PAGBUO NG EXEMPLAR NA ARALIN

Mahalaga ang pag-aaral na ito sapagkat ang pangunahing interes ng mananaliksik ay matukoy a ng Antas ng Kaalaman sa Masining na Pagpapahayagng mga Mag-aaral sa Grado 7, Pagbuo ng Exemplar na Aralin , Pagtukoy sa lebel ng pagtanggap ng mga guro, Pag-alam sa performans ng mga mag-aaral batay sa resulta ng pretest at pagtukoy sa lebel ng kabisaan ng nabuong exemplar batay sa resulta ng posttest. Gayundin, upang mapagaan ang pag-unawa sa mga aralin sa masining na pagpapahayag ng mga mag-aaral at mga guro sa Filipino, upang magamit ang exemplar sa kanilang pagtuturo para sa ikauunlad ng mga mag-aaral. Ang pag-aaral na ito ay malaki ang maiiambag sa pagsulong ng edukasyon. Ang mananaliksik ay gumamit ng “cluster sampling” sa pagpili ng (220) mag-aaral sa Grado 7 na nagmula sa 5 seksyon ng paaralang ginamit at 15 guro na nagtuturo ng Filipino. Gumamit ang mananaliksik ng pormulang persentahe, weighted mean,standard deviation,mean at t-test bilang pamamaraang estadistika upang maanalisa ang mga datos.Batay sa kinalabasan ng pananaliksik,karamihan sa naging tagasagot na mag-aaral ay mga lalaki.Lubos na tinatanggap ng mga tagasuring guro ang nabuong materyal. Batay sa nilalaman,kaugnayan,kalinawan at orihinalidad. Batay sa naging resulta, konklusyon ng pag-aaral, iminungkahi ng mananaliksik na nangangailangan ng mga pagsasanay ang mga mag-aaral upang lubos na maunawaan ng mga magaaral ang tungkol sa masining na pagpapahayag. Sa mga guro, maaaring gamitin ng guro ang nabuong materyal upang malaman ang pigiging epektibo nito bilang isang kagamitang panturo. At maaari pang gumawa ang mga guro ng mga iba’t ibang kagamitang panturo upang mas tumaas at maunawaan ng mga mag-aaral ang aralin at ang pagsasagawa ng seminar o worksyap na may kaugnayan sa pagbuo ng exemplar upang madagdagan ang mga kaalaman ng guro sa makabagong kagamitang panturo tungkol sa masining na pagpapahayag.